Estética e temporalización do Camiño Xacobeo, de Antonio Gamoneda

Editorial Trifolium publica o ensaio Estética e temporalización do Camiño Xacobeo, unha obra do poeta Antonio Gamoneda, traducida ao galego por Mª Fe González Fernández.

 Tratase dunha obra inédita que ve a luz en galego, antes que en calquera outra lingoa, por expreso desexo do autor, que elixiu a colección Musa pedestris, de Trifolium, para a súa publicación.

O ensaio, relativo á obra de creación de e verbo do Camiño de Santiago, toca aspectos formais e iconográficos ligados, uns e outros, á arquitectura, á escultura, á pintura e á escrita en función estética. Ocúpase de presenzas que o autor entende xacobeas e que só excepcionalmente son consideradas como tal, partindo de razoables sospeitas que lle proporciona a sensibilidade ante determinadas formas artísticas, incluídas as literarias, e de certos textos historificadores. Tamén, dende a extrañeza motivada polo baleirado de consideracións (consideracións que, polo menos puidesen ser interrogativas) relacionables con tempos que, por exprésalo dalgún xeito, considera o autor previos á “institucionalización” do Camiño.

O Autor

Antonio Gamoneda naceu en Oviedo en 1931. A súa obra, dunha forza excepcional, é recoñecida como unha das grandes voces da poesía española actual. Dende neno reside en León, cidade onde ten desenvolvido un amplio labor cultural. A súa infancia está marcada por unha vivencia da pobreza, a represión e a morte, que vai ser recorrente en toda a súa poesía. Tras unha brevísima e limitada aprendizaxe académica, traballa como recadeiro no Banco Mercantil de León; foi funcionario da Deputación e xerente da Fundación Sierra-Pampley, entidade nacida baixo a tutela de Francisco Giner de los Ríos, Gumersindo de Azcárate e Manuel Bartolomé Cossío.

Neste período xorden os seus primeiros poemarios: La tierra y los labios (1947-1953), Sublevación inmóvil (1960), Exentos I (1959-1960), Blues castellano (1961-1966) e Exentos II (1963-1970).

Descripción de la memoria (1977) marca un xiro cara á súa madurez poética, para publicar posteriormente Lápidas (1987), Edad (1987) e Libro del frío (1992), que o consagra como un dos poetas máis importantes do panorama literario español. Outras obras importantes son Arden las pérdidas (2003), Cecilia (2004) e Esta luz: poesía reunida 1947-2004 (2004).

Foi Premio Castilla y León de las Letras (1985), Premio Nacional de Poesía (1988), Premio de Cultura de la Comunidad de Madrid. Literatura (2004), Premio Reina Sofía de Poesía Iberoamericana (2006) e Premio Cervantes (2006).

Ficha técnica

Título: Estética e temporalización do Camiño Xacobeo

Autor: Antonio Gamoneda

Tradución: Mª Fe González Fernández

ISBN: 978-84-940297-4-5

Páxs.: 88

PVP: 12,00 €

Títulos publicados na colección Musa Pedestris

A               José Luis L. Aranguren: O ocio e a diversión na cidade

B               Felipe Alaiz: Arte de escribir sen arte

C               Bertrand Russell: Eloxio da ociosidade

D              Noam Chomsky e Michel Foucault:  A natureza humana: xustiza versus poder

E                Paul Lafargue: O dereito á preguiza

F                Bertrand Russell: Por que non son cristián

G               Marcel Proust: Sobre a lectura seguido de Días de lectura

H               José Luis Sampedro: O mercado e a globalización

I                 Robert L. Stevenson : Apoloxía dos ociosos

L                Federico Mayor Zaragoza: Delito de silencio      

M              Jonathan Swift: Unha humilde proposta

N               Antonio Gamoneda: Estética e temporalización do Camiño Xacobeo